زیرەکی دەستکرد دیاریکردنی نەخۆشی لەبیرچوونەوە دەباتە قۆناغێکی نوێوە

ئاڤا نیوز

توێژەرانی کلینیکی مایۆ، ئامرازێکی نوێی زیرەکی دەستکردیان پەرەپێداوە کە یارمەتی پزیشکان دەدات شێوازەکانی چالاکیی مێشکی مرۆڤ دەستنیشان بکەن، ئەو ئامرازە نۆ جۆری نەخۆشیی لەبیرچوونەوەی مرۆڤ دیاریدەکات، لەنێویاندا نەخۆشی زەهایمەرە. 

چیرۆکی سەرەکی: ئامرازە نوێیەکەی زیرەکی دەستکرد ناوی ستەیت ڤیوەرە، دەتوانێت بە یەک سکان بەشێوەیەکی ورد و فراوان کێشەکانی مێشک و جۆری نەخۆشییەکەشی دیاری بکات، ئەمەش یارمەتی توێژەران دەدات بەشێوەیەکی زۆر جیاواز نەخۆشیی لەبیرچوونەوە دیاری بکەن بە ڕێژەی 88%ە.

 

زانیاریی زیاتر: ئەم توێژینەوەیە لە 27ی حوزەیرانی 2025، بە شێوەی ئۆنلاین لە گۆڤاری نیورۆلۆگ کە گۆڤاری پزیشکیی ئەکادیمیای ئەمریکییە بۆ نەخۆشییە دەمارەکان بڵاوکراوەتەوە. 

 

ئەوەی پێویستە بیزانیت: ئەم توێژینەوە لەسەر 3600 کەس تاقیکراوەتەوە، کە یارمەتیدەر دەبێت بۆ خێراترکردنی دوو هێندە تاوەکو سێ هێندە لە دیاریکردنی ئەو نەخۆشیانەی بۆ مێشک دروست دەبێت. 

 

ئەمەش بزانە: زیاتر لە 55 ملیۆن کەس لە جیهاندا بەدەست نەخۆشی لەبیرچوونەوە دەناڵێنن و ساڵانەش نزیکە 10 ملیۆن تووشبووی دیکەش تۆمار دەکرێت، تاوەکو ئێستاش هۆکارەی سەرەکی تووشبوون بەم نەخۆشییە دیاری نەکراوە.