دوایین قۆناغی فۆڕمی دابەشکردنی زەوی ڕەوانەی ئەنجوومەنی وەزیران دەکرێت

ئاڤا نیوز

پرۆسەی وردبینی کردن لە فۆرمی زەوی تەواو دەبێت، دوایین قۆناغی فۆرمەکان وردبینی کراون و لە ماوەی چەند ڕۆژێکدا ڕەوانەی ئەنجوومەنی وەزیران دەکرێن.

 

وێنە گەورەکە: 543 هەزار فەرمانبەر و خانەنشین ڕەزامەندیی وەرگرتنی زەوییان لە ئەنجوومەنی وەزیران هەیە، بەشێکیان لە سنووری شارەوانییەکان زەوییان وەرگرتووە و بەشێکی دیکە کار لەسەر ئامادەکردنی زەوی دەکرێت بۆیان و لە قۆناغی داهاتوو تیروپشکیان بۆ دەکرێت.

 

لێدوانی فەرمی: سەربەست مەولوود، سەرپەرشتیاری تیمی وردبینیی پڕۆسەی دابەشکردنی زەوی له‌ وه‌زاره‌تی شاره‌وانی بە ئاڤای گوت، "لە دوایین قۆناغی ناوەکاندا سەرووی 35 هەزار فۆرم لەلایەن تیمەکانەوە وردبینی کراوە و، لە ڕۆژانی داهاتوو بە چەند قۆناغێک ڕەوانەی ئەنجوومەنی وەزیران دەکرێت.

 

لەلایەکی دیکەوە: شارەوانییەکان ئامادەکاری دەکەن بۆ ئەوەی دوای گەڕانەوەی ناوی سەرجەم سوودمەندبووان، بەگوێرەی خاڵ زەوییان بەسەردا دابەش دەکەن.