ئاگادارییەک لەبارەی ئەو فەرمانبەرانەی 1ـی 7 خانەنشین دەبن

ئاڤا نیوز

ئەمڕۆ 1-7 ژمارەیەکی زۆری فەرمانبەران خانەنشین دەبن، مامەڵەی نزیکەی حەوت هەزار کەس ماوە تەواو بکرێت، بەشی هەرە زۆریان ڕێککەوتی لە دایکبوونیان 1-7 ـن، ئەو فەرمانبەرانە دەتوانن ئەرکەکەیان درێژ بکەنەوە ئەگەر ڕەزامەندیی بەدەست بهێنن.

وێنە گەورەکە: بەهۆی خانەنشینبوونی بەشێکی زۆری فەرمانبەران ئەوانەی 1-7 بەرواری لەدایکبوونیانە، بۆشایی لە بەشێکی فەرمانگە حکومییەکان دروست دەبێت و دەسەڵاتیان پێدراوە بەگوێرەی پێویستیی فەرمانبەرەکانیان بهێڵنەوە.

زانیاریی تایبەت: سەرچاوەیەکی باڵا لە بەڕێوەبەرایەتیی گشتیی خانەنشینی بە ئاڤای گوت، "هەر فەرمانگەیەک بیەوێت فەرمانبەرێکی بهێڵێتەوە، نووسراو بۆ وەزارەتی پەیوەندیدار دەکات، ئەگەر ڕەزامەندیی وەرگرت فایلەکەی ڕەوانەی وەزارەتی دارایی و ئابووری هەرێمی کوردستان دەکرێت، ئەم درێژ کردنەوەی ماوەی ئەرکی فەرمانبەران تا 31-12-2025 ڕێگە پێدراوە."

 

باکگراوند: ساڵی 1957 دوای ئەنجامدانی سەرژمێری گرفتێک بۆ پرۆسەکە دروستبوو و بەشی زۆری هاونیشتمانیان ڕێککەوتی لەدایکبوونیان دیار نەبوو، حکومەتی عێراق لەو ساڵە بە بڕیاری ژمارە (1)ـی پشتبەستوو بە ماددەی (17)ـی یاسای باری شارستانیی، بڕیاریدا ڕۆژی 1-7 وەک ڕێککەوتی لەدایکبوون دیاری بکات، چونکە ئەو ڕێکەوتە ناوەڕاستی  ساڵە.