بەنداوێکی گەورە لە سنووری سۆران دروست دەکرێت

ئاڤا نیوز

 

سەرپەرشتیاری ئیدارەی سەربەخۆی سۆران دەڵێت، کار لەسەر ئەوە دەکەین دیزاینی دروستکردنی بەنداوێک لە سنووری قەزای مێرگەسۆر جێبەجێ بکەین، کە کێشەی کەمئاوی کەمدەکاتەوە و کاریگەری ئەرێنی بۆ سامانی ئاژەڵی دەبێت.

 

وێنە گەورەکە: حکومەتی هەرێمی کوردستان بە پلان کار لەسەر زیادکردنی ڕێژەی بەنداو دەکات، بەمەبەستی بەرزکردنەوەی ڕێژەی سامانی ئاو و بەکارهێنانی بۆ بەرهەمهێنانی کارەبا، بووژاندنەوەی سامانی ئاژەڵ و کشتوکاڵی.

 

لێدوانی فەرمی: هەڵگورد شێخ نەجیب، سەرپەرشتیاری ئیدارەی سەربەخۆی سۆران، "دروستکردنی بەنداوێک لەگوندی دێرانەی سنووری قەزای مێرگەسوور هەنگاوی باشی بڕیوە، لەم هەفتەیە لەگەڵ تیمێکی جیۆلۆجی وەزارەتی شارەوانی کۆدەبینەوە و هەڵوەستە لەسەر دیزاینێک دەکەین و گونجاوترینیان هەڵدەبژێرین."

 

ئەمەش بزانە: پێشبینی دەکرێت بەنداوەکە لە توانایدا هەبێت دوو بۆ سێ ملیار مەتر سێجا ئاو گلبداتەوە، لەپاڵ بەنداوەکانی دووکان، دەربەندیخان و دهۆک دەبێتە یەكێک لە بەنداوە گەورەکانی هەرێمی کوردستان.