دابەشکردنی بەشەخۆراکی مانگانە دەستپێدەکات

ئاڤا نیوز

 

دەستکراوە بە دابەشکردنی لیستی بەشەخۆراکی مانگانە بەسەر بریکارەکانی خۆراک، دوای تەواوبوونی ئەم پرۆسەیەش هەفتەی داهاتوو بەشەخۆراکی 'چوار' بەسەر هاووڵاتیان دابەش دەکرێت.

 

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی هەرێمی كوردستان بە ئاڤا میدیای ڕایگەیاند: "ئامادەكاریی کراوە بۆ دابەشکردنی بەشەخۆراکی ئەم مانگە، بەشەخۆراكی چوارەمی ئەمساڵیش لە ڕێگەی بریكارەكانەوە هەفتەیەی داهاتوو دەست بە دابەشكرنی دەکرێت.

 

زانیاریی زیاتر: بەشەخۆراكی چوارەم پێكهاتووە لە شەكر، برنج، زەیت، ئارینۆك، فاسۆلیا و دۆشاوی تەماتە، هاوکات ئامادەکاری دەکرێت بۆ دابەشکردنی بەشە ئاردی شەشەمیش لە هەفتەی داهاتوو.

 

ئەوەی پێویستە بیزانیت: هاوکات لە سەنتەری شارەکان دابەشکردنی بەشە زەیتی سێیەمی ئەمساڵ دواکەوتبوو، ئێستا ئەویش دابەشکراوە. هەرچی پەیوەستە بە دەرورووبەری شاری هەولێر، لەوێش دەستکراوە بە دابەشکردنی ئەو بەشە زەیتە.