وەزیری بەرگریی ئیسرائیل بۆ حووسیەکان: نۆرەی ئێوەیە و وەک تاران مامەڵەتان لەگەڵ دەکەین

ئاڤا نیوز

 

وەزیری بەرگریی ئیسرائیل هەڕەشەی توند لە حووسییەکانی یەمەن دەکات و دەڵێت: هەمان چارەنووسی تارانتان دەبێت.

 

وێنە گەورەکە: حووسییەکانی یەمەن بەردەوامن لە ئاراستەکردنی مووشەک و درۆنی بۆمبڕێژکراو بەرەو ئیسرائیل، ئەمەش بەرپرسانی ئیسرائیلی توڕەکردووە و هەڕەشەی هێرشکردنە سەر ئەو گرووپەی نزیک لە ئێران دەکەن.

 

لێدوانی فەرمی: ئیسرائیل کاتز، وەزیری بەرگریی ئیسرائیل هەڕەشە لە حووسییەکان دەکات و دەڵێت: ئێستا نۆرەی سەنعایە و وەک تاران مامەڵەی لەگەڵ بکەین، هەر دەستێک دژی ئیسرائیل بەرزبکرێتەوە، ئەو دەستە دەبڕین. 

 

ئەمەش بزانە: ئەم لێدوانەی کاتز دوای ئەوە دێت، کە وتەبێژی سەربازیی حووسیییەکان ڕایگەیاند، لە هێرشی ئەمدواییە بۆ سەر ئیسرائیل یەکێک لە مووشەکەکان فڕۆکەخانەی بن گوریون و هەروەها سێ شوێنی دیکەیان لە یافا و عەسقەلان و ئیلات بە درۆن کردووەتە ئامانج.