تەندروستی عێراق: 17 تووشبووی نوێی تای خوێنبەربوون تۆمار کراون دوو کەسیش گیانیان لەدەستداوە

ئاڤا نیوز

وەزارەتی تەندروستیی عێراق تۆمارکردنی 17 تووشبووی نوێی بە تای خوێنبەربوون ڕادەگەیێنێت لەگەڵ دوو گیانلەدەستدان، کۆی گشتیی تووشبوون و گیانلەدەستدانیش لە سەرەتای ئەمساڵەوە ئاشکرا دەکات.

وێنە گەورەکە: نەخۆشی تای خوێنبەربوون کە لە ئاژەڵەوە دەگوازرێتەوە بۆ مرۆڤ، لە سەرەتای ئەمساڵەوە لە شارەکانی ناوەڕاست و باشووری عێراق بە شێوەیەکی بەربڵاو بڵاوبووەتەوە.

لێدوانی فەرمی: سەیف بەدر، وتەبێژی وەزارەتی تەندروستی عێراق، بە ئاژانسی هەواڵی عێراقی ڕاگەیاند، "نوێترین ئامارەکان بۆ تای خوێنبەربوون لە ماوەی هەفتەی ڕابردوودا، 17 تووشبووی نوێ تۆمار کراوە، کە دوو گیانلەدەستدانیان تێدایە"، ئاماژەی بەوەش کرد کە "هەردوو  گیانلەدەستدانەکە لە پارێزگاکانی دیالە و نەجەف تۆمار کراون".

پێدراوە ڕاستییەکان: بە گوتەی سەیف بەدر، لە سەرەتای ئەمساڵەوە (2025) کۆی گشتیی تووشبووان گەیشتووەتە 184 کەس، لەنێویاندا 24 کەس گیانیان لەدەستداوە.

ژمارەکان وادەڵێن: دابەشبوونی تووشبوون و گیانلەدەستدانەکان لەسەرجەم پارێزگاکانی هەرێمی کوردستان و عێراق بەم شێوەیەی خوارەوە بووە:

پارێزگای زیقار: 60 تووشبوون، یەک گیانلەدەستدان

پارێزگای بەغدا / ڕەسافە: 29  تووشبوون، شەش  گیانلەدەستدان

پارێزگای بەغدا / کەرخ: پێنج تووشبوون، بەبێ گیانلەدەستدان

پارێزگای واسیت: 17 تووشبوون، دوو  گیانلەدەستدان

پارێزگای بەسرە: 13 تووشبوون، یەک گیانلەدەستدان

پارێزگای موسەننا: 11 تووشبوون، دوو گیانلەدەستدان

پارێزگای میسان: 11 تووشبوون، بەبێ گیانلەدەستدان

پارێزگای دیالە: هەشت تووشبوون، سێ گیانلەدەستدان

پارێزگای نەینەوا: حەوت تووشبوون، بەبێ گیانلەدەستدان

پارێزگای کەرکووک: پێنج تووشبوون، چوار گیانلەدەستدان

پارێزگای دیوانیە: چوار تووشبوون، یەک گیانلەدەستدان

پارێزگای دهۆک: سێ تووشبوون، یەک گیانلەدەستدان

پارێزگای نەجەف: دوو تووشبوون، دوو گیانلەدەستدان

پارێزگای بابل: دوو تووشبوون، یەک گیانلەدەستدان

پارێزگای سلێمانی: دوو تووشبوون، بەبێ گیانلەدەستدان

پارێزگای هەولێر: دوو تووشبوون، بەبێ گیانلەدەستدان

پارێزگای کەربەلا: یەک تووشبوون، بەبێ گیانلەدەستدان

پارێزگای ئەنبار: یەک تووشبوون، بەبێ گیانلەدەستدان

پارێزگای سەڵاحەدین: یەک تووشبوون، بەبێ گیانلەدەستدان