تورکیا فڕۆکەکانی لە ئێران دەگەڕێنێتەوە

ئاڤا نیوز

ئەو فڕۆکانەی هێڵی ئاسمانی تورکیا کە لە کاتی جەنگی ئێران و ئیسرائیل لە ئێران مابوونەوە، وەزارەتی گواستنەوەی تورکیا، بە هەماهەنگی لەگەڵ تاران، دەیانگەڕێنێتەوە بۆ وڵاتەکەی.

وێنە گەورەکە: بەهۆی جەنگی 12 ڕۆژەی جەنگی ئیسرائیل و ئێران و بەهۆی بۆردوومانەکانی ئیسرائیل، ئاسمانی ئێران بە تەواوەتی بەڕووی گەشتەکان داخرا و بەهۆیەوە دەیان فڕۆکەی وڵاتان لە ئێران گیریان خوارد.

لێدوانی فەرمی: عەبدولقادر ئوراڵئۆغلو، وەزیری گواستنەوە و ژێرخانی تورکیا ڕایگەیاند، دوای هەماهەنگی لەگەڵ تیمی هێڵە ئاسمانییەکانی ئێران، ئەو فڕۆکانەی هێڵی ئاسمانی تورکیا کە بەهۆی دەستپێکردنی جەنگی نێوان ئێران وئیسرائیل لە ئێران مابوونەوە، دەگەڕێنینەوە تورکیا.

زانیاریی زیاتر: بە گوتەی ئوڕالئۆغلو، تیمێکی هێڵی فرۆکەوانیی تورکیا بەرەو تاران نێردراون، دوای تەواوبوونی کارە پێویستەکان، فڕۆکەکانی هێڵی ئاسمانی تورکیا، کە 4 فڕۆکەی هێڵی ئاسمانی پێگاسۆسە لە تاران و شیراز دەگەڕێننەوە تورکیا.