حەماس: خوێندنەوە بۆ پێشنیازی ترەمپ بۆ ‌غەززە دەکەین

ئاڤا نیوز

پڕۆژەی ئاگربەستی غەززە لەلایەن نێوەندگیرەکانی حەماس و ئیسرائیلەوە ئامادە کراوە و خراوەتە بەردەم هەردوولا، حەماس لەبارەی پێشنیازەکەوە دەڵێت، خوێندندەوەی بۆ دەکەین و مەرجێکیش دەخاتەڕوو.

وێنە گەورەکە: هەوڵە نێودەوڵەتییەکان بۆ ڕاگەیاندنی ئاگربەست و ڕاگرتنی جەنگی نێوان ئیسرائیل و حەماس بەردەوامن، بەتایبەت چاوەڕوان دەکرێت سەردانەکەی بنیامین نەتەنیاهۆ، سەرۆکوەزیرانی ئیسرائیل بۆ کۆشکی سپی دەرئەنجامی ئەرێنی بەدوای خۆیدا بهێنێت.

زانیاریی بەدەستهاتوو: بزووتنەوەی حەماس ئاشكرای کرد، ئێمە پێداچوونەوە بۆ پڕۆژە و پێشنیازی ترەمپ بۆ ئاگربەست لە غەززە دەکەین، بەڵام بەمەرجێک پێویستە ڕێککەوتنێک بکرێت کە ببێتە هۆی کۆتاییهێنان بەم جەنگە و کشانەوەی ئیسرائیل لە کەرتەکە.

لەلایەکی دیکەوە: بنیامین نەتەنیاهۆ، سەرۆکوەزیرانی ئیسرائیل دوای ئەم پێشنیازەی ترەمپ داوای کرد کە  بزووتنەوەی حەماس لەناو بچێت.

ئەوەی پێویستە بزانیت: هەر لەدوای ڕاگرتنی جەنگی نێوان ئێران و ئیسرائیل، دۆناڵد ترەمپ، سەرۆکی ئەمریکا داوایکردووە ئیسرائیل بە ئاگربەست لە غەززە  ڕازی ببێت و کۆتایی بە هێرشەکانی بۆ سەر غەززە بهێنێت، ئیسرائیلیش بە ئاگربەستێکی 60 ڕۆژە ڕازی بووە.