کۆریای باکوور هەزاران سەرباز ڕەوانەی ڕووسیا دەکات

ئاڤا نیوز

لە کاتێکدا هەوڵە نێودەوڵەتییەکان بۆ ڕاگەیاندنی ئاگربەستێکی گشترگیر لە نێوان ڕووسیا و ئۆکراینا بەردەوامن، بەڵام کۆریای باکوور سەربازی زیاتر بۆ جەنگی دژ بە ئۆکراینا بۆ ڕووسیا دەنێرێت.

وێنە گەورەکە: کۆریای باکوور بەردەوامە لە هاوکاریکردنی ڕووسیا لە ڕووی دابینکردنی پێداویستیی سەربازیی و ناردنی هێز بۆ ئەو وڵاتە، لە نوێترین پێشهاتدا بەرپرسانی هەواڵگریی ئۆکراینا ئاشکرایانکردووە، کۆریای باکوور نیازی ئەوەی هەیە نزیکەی 30 هەزار سەربازی دیکە ڕەوانەی ڕووسیا بکات.

ئەوەی پێشبینی دەکرێت: پێشتر بەرپرسێکی کۆریای باشوور بە ئاژانسی هەواڵی ڕۆیتەرزی ڕاگەیاند، لە سەرەتایی مانگی حەوتی ئەمساڵ تا مانگی هەشت، کۆریای باکوور سەربازی زیاتر بۆ هاوکاریکردنی ڕووسیا لە شەڕی دژ بە ئۆکراینا دەنێرێت.

ئەوەی لەو بارەەیەوە دەگوترێت: بەگوێرەی سەرچاوە هەواڵگرییەکانی ئۆکراینا، سەربازەکانی کۆریای باکوور لە ماوەی چەند مانگی داهاتوودا دەگەنە ڕووسیا لە بەرەکانی جەنگ دژی ئۆکراینا دەجەنگن.

زانیاریی زیاتر: نزیکەی چوار هەزار سەربازی کۆریای باکوور لە جەنگی دژی ئۆکراینا لە بەرەکانی جەنگ کوژراون و برینداربوون.