ڕۆژنامەیەکی تورکی: تورکیا چەکە کۆکراوەکانی پەکەکە دەسووتێنێت

ئاڤا نیوز

سەرۆککۆماری تورکیا لە بارەی قۆناغی دوای خۆهەڵوەشاندنەوەی 'پارتی کرێکارانی کوردستان' ڕایگەیاند، دوای ڕادەستکردنەوەی چەکەکانی پەکەکە لەلایەن ئەندامانیەوە سەرجەمیان دەسووتێنرێن.

زانیاری بەدەستهاتوو: بەپێی ڕاپۆرتێکی ڕۆژنامەی "یەنی شەفەق"ـی توركی،  ڕەجەب تەیب ئەردۆغان، سەرۆککۆماری تورکیا، لەمیانی دیدارێكی لەگەڵ پەرلەمانتارانی پارتی دادو گەشەپێدان، زانیاری گرنگی لەبارەی پڕۆسەی ئاشتی ئاشكراكردووەو رایگەیاندووە: بەم نزیکانە لیژنەیەکی تایبەت لەسەر ئەو پرسە لە پەرلەمان پێکدەهێنرێت.

زانیاریی زیاتر: ڕۆژنامەکە لە زاری ڕەجەب تەیب ئەردۆغان، سەرۆککۆماری تورکیا ڕایگەیاند: چەکە کۆکراوەكانی پارتی كرێكارانی كوردستان ئامادەکراوەو، بەم نزیکانە وێنەی داماڵینی چەک بڵاودەکرێتەوە، ئەو چەکانەی کە بڕیارە رادەستبکرێن، بە ئامێری کارەبایی دەسوتێنرێن و لەناودەبرێن. پڕۆسەکە بەو شێوەیەی ئێمە دەمانەوێت بەڕێودەچێت و هیچ کێشەیەک نییە.

لەلایەکی دیکەوە: بەپێی ڕۆژنامەکە، ئەردۆغان گوتویەتی، ڕۆژی چوارشەممەی داهاتوو لەگەڵ دەم پارتی كۆدەبمەوە، باس لە پرسە هەنووکییەکان دەکەن.