نیشانەکانی نەخۆشی دڵەڕاوکێی گشتگیر چین؟

ئاڤا نیوز

هەر کەسێک بە جۆرێکی جیاواز تووشی نەخۆشی دڵەڕاوکێ دەبێت، شارەزایانی تەندروستی هۆشداری لەبارەیەوە دەدەن، لەوانەیە ئەم نەخۆشییە لێکەوتەی خراپ بەدوای خۆیدا بهێنێت.

دڵەڕاوکێی گشتگیر چییە؟

نەخۆشی دڵەڕاوکێی گشتگیر کاتێک ڕوودەدات کە کەسێک هەست بە دڵەڕاوکێی بەردەوام (هەستکردن بە نیگەرانی یان ترس) بکات بۆ ماوەیەکی درێژ، دواتر جەستە دەتوانێت دڵەڕاوکێ وەک زەنگی ئاگادارکردنەوەیەکی ناوەکی لێکبداتەوە کە پەیوەندی بە مەترسییەوە هەیە، بەهۆیەوە وەڵامێکی دەروونی و جەستەیی دەستپێبکات.

پێدراوە ڕاستەکان: دڵەڕاوکێی گشتگیر کاتێک ڕوودەدات کە کەسێک بەشێوەیەکی بەردەوام سەبارەت بە بارودۆخی ڕۆژانە نیگەران دەبێت، ئەو کەسانەی کە نەخۆشی دڵەڕاوکێی گشتگیریان هەیە ناتوانن کۆنترۆڵی دڵەڕاوکێیان بکەن، ئەمەش وادەکات دەروونیان بەرەو خراپی بچێت.

نیشانەکانی نەخۆشییەکە چین:

ئەم نەخۆشییە دەتوانێت نیشانە جەستەیی و دەروونییەکانی دیکە لەخۆبگرێت کە ڕەنگە کاریگەری لەسەر ژیانی ڕۆژانە هەبێت لەوانەش: ژان، ماندووبوون و شەکەتی، هەناسە تەنگی، کەمی سەرنجدان 'تەرکیز'، لەرزین، سەرئێشە، ئازاری گەدە، یان ئازاری ماسولکەکان، هەستکردن بە کەمخەوی یاخوود تێکچوونی خەو.