شەپۆلێکی توندی گەرما ئەوروپای گرتووەتەوە و هەشت کەس گیانیان لەدەست داوە

ئاڤا نیوز

شەپۆلێکی کوشندەی گەرما ئەوروپای گرتووەتەوە و بەهۆیەوە تائێستا هەشت کەس گیانیان لەدەست داوە، ئەمە سەرباری ئەوەی ئاگر لە دارستانەکان کەوتووەتەوە و وێستگەیەکی ئەتۆمیش داخراوە.

 

چیرۆکی سەرەکی: ئێستا کە وەرزی هاوینە، شەپۆلێکی تاقەتپڕوکێنی گەرما زۆربەی وڵاتانی ئەوروپای گرتووەتەوە، کە لە ئەنجامدا بووەتە هۆی گیانلەدەستدانی لانیکەم هەشت کەس لەو کیشوەرە. بەجۆرێک لە ئیسپانیا، فەرەنسا و ئیتاڵیا و  چوار کەس و  دوو کەس لە فەرەنسا و دوو کەسی دیکەش لە ئیتاڵیا گیانیان لەدەست داوە.

 

کاریگەری و لێکەوتەکان: جیا لە زیانی گیانی، ئەم شەپۆلە گەرمایە بووەتە هۆی کەوتنەوەی ئاگر لە دارستانەکان و ناچارکردنی داخستنی ڕیاکتۆرێکی ئەتۆمی لە وێستگەیەکی کارەبای سویسرا.

 

لێدوانە فەرمییەکان: بەرپرسانی ئیسپانیا ڕایانگەیاند، ڕۆژی دووشەممە لە ئەنجامی ئاگرکەوتنەوە لە دارستانەکانی کەتەلۆنیا دوو کەس گیانیان لەدەست دا، هەروەها دوو کەسی دیکەش لە دوو ناوچەی دیکەی ئەو وڵاتە گیانیان لەدەست داوە.

 

حکومەتی فەرەنساش ڕایگەیاند، بەهۆی بەرزبوونەوەی پلەکانی گەرما دوو کەس گیانیان لەدەست داوە، هاوکات 300 کەسی دیکەش ڕەوانەی نەخۆشخانە کراون.

 

هۆشدارییەکان: لە ئیتاڵیا ئاگاداریی سوور بۆ 18 شار دەرکراوە. ئاژانسی هەواڵی ئانسای ئیتاڵی لایخۆیەوە بڵاوی کردەوە، دوو پیاوی سەروو 60 ساڵ لە دوو ڕووداوی جیادا لە کەناراوەکانی سەردینیا بەهۆی گەرماوە گیانیان لەدەست داوە.

 

بەتەنیشت ئەم بابەتەوە: لەکاتێکدا ئەوروپا بەهۆی گەرماوە دەکوڵێت، یەکێتیی ئەوروپا ڕۆژی چوارشەممە ئامانجە نوێیەکەی بۆ کەمکردنەوەی دەرهاویشتە گازییەکان تا ساڵی 2040 ئاشکرا کرد،  کە بریتییە لە کەمکردنەوەی دەرهاویشتەکان بە ڕێژەی 90% تا ساڵی 2040، ئەمەش وەک هەنگاوێکی سەرەکی بەرەو ئامانجی گەورەتر کە بریتییە لەوەی کیشوەرەکە تا ساڵی 2050 ئاستی دەردانی کاربۆن تیایدا دابەزێتە سفر.