ئیسرائیل: ناهێڵێن ئێران توانا سەربازییەکانی بوونیاد بنێتەوە

ئاڤا نیوز

حکومەتی ئیسرائیل ڕایگەیاند، سەرقاڵی داڕشتنی پلانێکە بۆ دڵنیابوون لەوەی کە ئێران نەتوانێت ئەو توانایانە دووبارە بوونیاد بنێتەوە کە لە ماوەی جەنگی 12 ڕۆژەی نێوانیان دوو وڵات وێران کران، ئەمەش بە ئامانجی ئەوەی ئێران نەتوانێت جارێکی دیکە ببێتە هەڕەشە بۆ سەر ئیسرائیل.

وێنە گەورەکە: لە جەنگی 12 ڕۆژەی نێوانیاندا، بەهۆی کۆنتڕۆڵکردنی ئاسمان، ئیسرائیل زیانێکی بەرچاوی بە دامەزراوە سەربازییەکانی ئێران گەیاند و دواتریش ئەمریکا سێ وێستگەی ئەتۆمیی ئێرانی بۆردوومان کردن. 

لێدوانی فەرمی: یسرائیل کاتس، وەزیری بەرگریی ئیسرائیل، لە میانەی قسەکردن لەگەڵ بەرپرسە سەربازییە باڵاکانی ئیسرائیل ڕایگەیاند، "سوپای ئیسرائیل دەبێت هەم لە ڕووی زانیارییەوە و هەم لە ڕووی چالاکییەوە ئامادەیی تەواوی هەبێت، تاکو دەسەڵاتی خۆی بەسەر ئاسمانی ئێراندا  بسەپێنێت و ڕێگری بکرێت لەوەی کە ئێران تواناکانی پێشووی خۆی بەدەست بهێنێتەوە".