لەبارەی هێرشە درۆنی و مووشەکییەکان حیزبی شیوعی عێراق ڕەخنە لە حکومەتی فیدراڵ دەگرێت

ئاڤا نیوز

سکرتێری حیزبی شیوعی عێراق دەڵێت، حکومەتی فیدراڵ لە بەردەوامی هێرشە درۆنیی و مووشەکییەکان بێ ڕۆڵ دەردەکەوێت و هەنگاوی پێویستی نەناوە، ئەوەش مانای وایە ئەنجامدەرانی هێرشەکان بەبێ لێپرسینەوە دەرباز دەبن.

چیرۆکی سەرەکی: ماوەیەکە لە چەند ناوچەیەکی عێراق و هەرێمی کوردستان درۆن و تەنی نامۆ دەکەونەخوارەوە، لەبارەی لایەنی هێرشکار و هۆکاری ئەم پێشهاتە ئەمنییانەش، تا ئێستا حکومەتی عێراق ڕوونکردنەوە و زانیاریی بۆ ڕایگشتی بڵاونەکردووەتەوە.

پەیامی فەرمی: ڕائید فەهمی، سکرتێری حیزبی شیوعی عێراق لە پەیامێکدا کە لە هەژماری خۆی لە تۆڕی ئێکس بڵاویکردووەتەوە، ئاماژەی بەوەکردووە، حکومەتی عێراق لەبەرامبەر بەردەوامی هێرشی درۆنەکان و کەوتنەخوارەوەی مووشەکەکان هیچ زانیارییەکی نەداوە و ئەنجامدەرانیشی ئاشکرانەکردووە، ئەوەش مانای وایە خەڵکی عێراق لە سایەی بێ ڕۆڵی حکومەت و نەبوونی لێپرسینەوەیەکی تەواودا دەژین.