بە چەند ڕێگەیەک خۆت بە گەنجی بهێڵەرەوە و تەمەنت درێژتر بکە

ئاڤا نیوز

 

شارەزایانی تەندروستی چەند ڕێگایەکی ئاسان نیشان دەدەن بەوەی ئەگەر بە دروستی ئەنجام بدرێن، ئەوا دەتوانێت تەمەنی مرۆڤ بۆ چەند ساڵێک درێژ بکات.

 

بڵاوکراوەی فەرمی: بەگوێرەی ڕۆژنامەی تێلێگراف، گۆڕانکاری سادە لە خووەکانی ڕۆژانەدا دەبێتە هۆی زیادبوونی تەمەنی مرۆڤ و دوورکەوتنەوە لەو نەخۆشییانەی کێشە بۆ سیستمی بەرگریی مرۆڤ دروست دەکەن.

 

پێدراوە ڕاستەکان: جێبەجێ کردنی چەند ڕۆتینێکی ڕۆژانە هۆکار دەبن لە درێژکردنی تەمەنی مرۆڤ، لەوانە:

 

وەرزش کردن بە بەردەوامی: وەرزش کردن بە بەردەوامی ساڵانی تەمەن زیاتر دەکات و تەندروستی جەستە دەپارێزێت.

کەم کردنەوەی کالۆری؛ توێژینەوەکان دەریانخستووە کەمکردنەوەی کالۆری یارمەتی کەم کردنەوەی نیشانەکانی هەوکردن و پیربوون دەدات.

بەکارهێنانی ژەمە خۆراکی تەندروست: گرنگی بە سێ ژەمی سەرەکی خۆراک بدرێت، کە یارمەتیدەر دەبێت لەوەی تەمەنی مرۆڤ درێژ بکات.

زیادخواردنی بەرهەمە ڕیشاڵییەکان: ئەو بەرهەمە خۆراکیانەی ڕیشاڵیان زۆرە ڕۆڵێکی سەرەکیان هەیە لە بەهێزکردنی بەرگریی لەش، هەر بۆیە باشترە سەوزە و میوە و پەلەوەری زۆر بخورێت.

 

ئەوەی لەبارەیەوە دەگوترێت: شارەزایان دەڵێن، تا سیستمی بەرگریی لەش تەندروستتر و بەهێزتر بێت، مرۆڤ دەتوانێت ساڵانێکی زیاتر بەبێ نەخۆشی بژی و ژیان بکات.