حیزبوڵڵای لوبنان: تاوەکو ئیسرائیل نەکشێتەوە باسی چەک دانان نەکەن

ئاڤا نیوز

 

حیزبوڵڵای لوبنان مەرجی دانانی چەک دەبەستێتەوە بە کشانەوەی ئیسرائیل لە لوبنان و ئەمینداری حیزبوڵڵاش دەڵێت، ''ئامانجمان ڕاگرتنی کوشتن و تاوانەکانی ئیسرائیل و ئەمریکایە''.

 

لێدوانی فەرمی: نەعیم قاسم، ئەمینداریی  گشتیی حیزبووڵڵا لە پەیامێکیدا لە یادی عاشورا ڕایگەیاند: "هەڕەشەکانی ئیسرائیل وامان لێناکات خۆبەدەستەوەدان قبووڵ بکەین، هەڵوێستەکانمان ناگۆڕێن و ملکەچی داواکارییەکانی ئیسرائیل و ئەمرکا نابین و ڕووبەڕووی هەموو هەڕەشەکانیان دەبینەوە''.

 

ئەمینداری گشتیی حیزبوڵڵا گوتیشی، ''ئامانجمان ڕاگرتنی کوشتن و تاوانەکانی ئیسرائیل و ئەمریکایە و ئیسرائیل کێشەیە بۆ ناوچەکە''

 

مەرجەکانی حیزبوڵڵا: لەگەڵ پەرەسەندنی داواکارییەکان بۆ چەک داماڵینی حیزبوڵڵای لوبنان، بەرپرسانی ئیسرائیل دەڵێن، "ئەگەر ئیسرائیل لە باشووری لوبنان بکشێتەوە و هێرشەکانی ڕابگرێت، حیزبوڵڵا ئامادەیە لەگەڵ سەرکۆماری لوبنان لەسەر چەکەکانی قسە بکات.