ئەیوب عەلی لە ئیسپانیا و یۆنان کۆنسێرت ساز دەکات

ئاڤا نیوز

 

لەماوەی کەمتر لە مانگێک ئەیوب عەلی، هونەرمەندی دیاری کورد دوو ئاهەنگی لە وڵاتانی ئیسپانیا و یۆنان ڕێکخست.

 

چیرۆکی سەرەکی: لە دوو کۆنسێرت لە هەردوو وڵاتی ئیسپانیا و یۆنان، ئەیوب عەلی بە هاوشانی هونەرمەندان و میوزیکژەنانی ئەم دوو وڵاتە بە جلوبەرگی ڕەسەنی کوردی بەشداری کرد و پێشوازی گەرمی لێکرا.

 

لێدوانی فەرمی: هونەرمەند، ئەیوب عەلی بە ئاڤا میدیای گوت: بە شانازییەوە بەردەوامم لە کارکردن بۆ ناساندنی کولتوور و هونەری کوردی لە جیهان، ئەم دوو کۆنسێرتەش هەوڵێکی دیکە بوون بۆ زیاتر ناساندنی هونەری کوردی.

 

لەبارەی کاری داهاتوویەوە، ئەیوب عەلی گوتی، لەگەڵ ئەو ستافە ڕێککەوتووین کۆنسێرتی دیکە لە وڵاتانی جیهان بکەین، کار لەسەر ئەوەش دەکەین ژمارەیەک میوزکژەنی کورد لە کۆنسێرتەکان بەشدار بن،  بۆ ئەوەی تێکهەڵکێشی زیاتر لە نێوان کولتوور و هونەرە جیاوازەکان بکەین.