فاڵح فەیاز؛ دەستبەرداری سەرۆکایەتیی حەشدی شەعبی نابم

ئاڤا نیوز

 

سەرۆکی دەستەی حەشدی شەعبی ڕەتیدەکاتەوە دەستبەرداری پۆستەکەی ببێت و دەڵێت "ئەوەی باوەڕم پێیەتی ئەوە دەکەم" 

 

وێنە گەورەکە: کێشە و ناکۆکییەکانی نێو ماڵی شیعە قوڵتر دەبنەوە و بەشێک لە لایەنە شیعەکان داوای لابردنی فالح فەیاز، سەرۆکی دەستەی حەشدی شەعبی دەکەن. 

 

لێدوانی فەرمی: فالح فەیاز، سەرۆکی دەستەی حەشدی شەعبی لە چاوپێکەوتنێکی تەلەفزیۆنیدا گوتی: بوونم لە نێو حەشدی شەعبی ئەرکێکی ئەخلاقییە، شێوازی کارکردنم ناگۆڕم ئەوەی باوەڕم پێیەتی ئەوە دەکەم.

 

زانیاریی زیاتر: سەبارەت بە هەندێک داواکاری چوارچێوەی هەماهەنگی بۆ لابردنی لە پۆستەکەی، فەیاز دەڵێت: خۆویستانە دەستبەردای ئەرکی سەرۆکایەتی دەستەی حەشدی شەعبی نابم مەگەر بە یاسا نەبێت.

 

قووڵتر: بە ئاماژەدان بۆ ئەوەی کەسانێک نیگەرانن لەوەی کە لەو پۆستەدایە، فالح فەیاز باس لەوە دەکات، "هەرگیز بۆ هیچ پۆستێک نەبوومەتە میوانێکی ڕەزاگران، هەوڵیشم نەداوە بۆ مانەوە لە هەر پۆستێک".

 

باکگراوند: دەستەی حەشدی شەعبی هێزێکی چەکداری عێراقییە، ساڵی 2016 لەسەر فتوای عەلی سیستانی، مەرجەعی باڵای شیعەکان دامەزرا.