لووتکەی بریکس داوای ئاگربەستی "بێ مەرج" لە غەززە دەکات

ئاڤا نیوز

لە سەروبەندی بەڕێوەچوونی لووتکەی بریکس، وڵاتانی ئەندام داوا دەکەن ئاگربەستی بێ مەرج لە غەززە ڕابگەیێندرێت.

چیرۆکی سەرەکی: ڕۆژانی یەکشەممە و دووشەممە سەکردەکانی کۆمەڵەی بریکس لە بەڕازیل کۆدەبنەوە 17ـەمین لووتکەی ساڵانەی کۆمەڵەکە بەڕێوەدەبەن، ئەمڕۆ دووەم ڕۆژی لووتکەکەیە و لەکارەکانی بەردەوامە.

چی ڕوودەدات: ئەمریکا پێشنیازی ئاگربەستی بۆ غەززە خستەڕوو و هەر یەکە لە ئیسرائیل و بزووتنەوەی حەماس ڕەزامەندیان لەسەر دا و ئەمەش بووە هۆی ئەوەی دانوستان لەنێوان هەردوولایەن دەستپێبکەن.

ڕاگەیێنراوی فەرمی: گرووپەکە لە ڕاگەیێنراوێکدا ڕایگەیاند، داوا لە هەموو لایەنەکان دەکەین بە نیازپاکییەوە بەشداری دانوستانی زیاتر بکەن بۆ گەیشتن بە ئاگربەستێکی دەستبەجێ و هەمیشەیی و بێ مەرج و کشانەوەی تەواوی هێزەکانی ئیسرائیل لە کەرتی غەززە، هاوکات دۆخی کەرتی ‌غەززە بەرەو خراپبوون دەچێت خەڵکی مەدەنی بێتاوان دەکوژرێن و برسی دەکرێن.

زانیاریی زیاتر: لایەنە نێودەنگیرەکانی نێوان حەماس و ئیسرائیل لە هەوڵدان لە ماوەیەکی نزیکدا ڕێککەوتنی ئاگربەست و ئازادکردنی سەرجەم بارمتەکان ڕابگەیێنن و هەر لەم چوارچێوەیەدا ، شاندی ئیسرائیل بۆ ئەنجامدانی دانوستانی ناڕاسته‌وخۆ له‌گه‌ڵ بزووتنه‌وه‌ی حه‌ماس لە قەتەر کۆبوونەوە، چەند سەرچاوەیەکی ئاگادار ئاشكرای دەکەن کۆبوونەوەکە دەرئەنجامی نەبووە.