داواکاری گشتیی ئەنقەرە بڕیاری لێپرسینەوە بۆ سەرۆکی گشتی جەهەپە دەردەکات

ئاڤا نیوز

بە بڕیاری داواکاری گشتیی ئەنقەرە، لێپرسینەوە لە ئۆزگور ئۆزێل، سەرۆکی گشتیی جەهەپە بە تۆمەتی بێرێزیکردن بە ڕەجەب تەیب ئەردۆغان، سەرۆککۆماری تورکیا دەکرێت، ئەمە لە کاتێکدایە لە چەند رۆژی ڕابردوو چوار سەرۆکشارەوانی دیکەی جەهەپە لەگەل نزیکەی 140 ئەندامیان دەستبەسەرکراون.

چیرۆکی سەرەکی: ئۆزێل لە 5ـی تەمووزدا، لە دوای کۆبوونەوەی دەستەی بەڕێوەبەری ناوەندی حیزبەکەی، لە کۆنگرەیەکی ڕۆژنامەوانیدا، هەڕەشە لە سەرۆککۆماری تورکیا کرد و ڕایگەیاند" هەر کاتێک بیەوێت خەڵک دێنێتە سەر شەقام و ترەیلەری فیلمی ترسناک نیشانی دەسەڵات دەدات".

کاریگەیی و لێکەوتەکان: ئەو لێدوانەی ئۆزێل کاردانەوەی تووندی ئاکپارتی لێکەوتەوە، ئەمڕۆ دووشەممە بە بریاری داواکاری گشتیی ئەنقەرە بە تۆمەتی ئەوەی" قسەکانی بێڕیزی بووە بۆ سەرۆککۆمارری تورکیا و هەوڵی دروستکردنی ئاژاوە لە شەقامی تورکیا  دەدات، لێکۆڵینەوە دەستی پێکرد.

زانیاریی زیاتر: تا دێت گرژییەکانی نێوان دەسەڵات و ئۆپوزسیۆنی تورکیا تووندتر دەبێت، لە چەند ڕۆژی ڕابردوودا سێ سەرۆکی گەورە شارەوانی پێشووی ئیزمیر، دواتر سەرۆکی شارەوانییەکانی ئەدەنە و ئەنتاڵیا و ئەدیامین، لەگەڵ نزیکەی 140 ئەندامی دیکەی ئەو پارتە بە تۆمەتی گەندەڵیکردن دەستبەسەرکران. 

پێشووتریش، ئەکرەم ئیمام ئۆغلو، سەرۆکی گەورە شارەوانی ئیستەنبووڵ لەگەڵ 100 ئەندامی دیکەی جەهەپە دەستگیرکران.