چوارچێوەی هەماهەنگی کۆدەبێتەوە

ئاڤا نیوز

بڕیارە ئەمڕۆ دووشەممە، سەرکردەکانی هاوپەیمانیی چوارچێوەی هەماهەنگی کۆببنەوە و چەندین پرسی هەنووکەیی کە بەشێکیان پەیوەستە بە پرسە هاوبەشەکانی نێوان هەولێر و بەغدا تاوتوێ بکەن.

ئەوەی پێویستە بیزانیت: سەرکردەکانی چوارچێوەی هەماهەنگی هەموو هەفتەیەک لە ڕۆژی دووشەممە، کۆبوونەوەی ئاسایی خۆیان بە ئامادەبوونی محەممەد شیاع سوودانی، سەرۆکوەزیران ئەنجامدەدەن.

ئەوەی پێشبینی دەکرێت: سەرەڕای ئەوەی پێشتر هاوپەیمانیەتییەکە ڕاستەوخۆ لەبارەی پرسی مووچەی مووچەخۆرانی هەرێمی کوردستان قسەی نەکردووە، بەڵام لەژێر ڕۆشنایی پێشهاتەکانی پەیوەست بەو بابەتەوە چاوەڕوان دەکرێت هاوپەیمانیەتییەکە هەڵوێستی ڕوونتری لەمبارەیەوە هەبێت.

زانیاریی زیاتر: لە سەرەتای مانگی ڕابردوودا، چوارچێوەی هەماهەنگی لە کۆبوونەوەکەیدا داوایکرد ناکۆکییەکانی نێوان هەرێمی کوردستان و بەغدا بەپێی دەستوور و یاساکان چارەسەر بکرێت.