عێراق دەرمانی چارەسەرکردنی شێرپەنجە بەرهەم دەهێنێت

ئاڤا نیوز

وەزارەتی تەندروستی عێراق ئاشكرايكرد، بۆ بەرهەمهێنانی چارەسەری نەخۆشییەکانی شێرپەنجە لەناوخۆدا، عێراق مۆڵەتی لە وڵاتانی یەکێتیی ئەوروپاوە وەرگرتووە.

وێنە گەورەکە: تووشبووانی شێرپەنجە لەسەر ئاستی عێراق، لە پارێزگای نەینەوا زۆرترین ڕێژەی هەیە و لە هەرێمی کوردستانیش‌ لە پێوەری ئاساییی جیهانى كەمترە.

لێدوانی فەرمی: سەیف بەدر، وتەبێژی وەزارەتی تەندروستی عێراق، ڕایگەیاند: دوای ئەوەی عێراق مۆڵەتی لە چەندین وڵات، لەنێویاندا وڵاتانی یەکێتیی ئەوروپا وەرگرتووە بۆ بەرهەمهێنانی چارەسەری نەخۆشییەکانی شێرپەنجە لە کارگەکانی ناوخۆدا، لە داهاتوویەکی نزیکدا نەخۆشخانەکانی تایبەت بەشێرپەنجە پشت بەو چارەسەرانە دەبەستن.

- وتەبێژی وەزارەتی تەندروستی عێراق ئاماژەی بەوەشکرد، عێراق ئێستا خاوەنی نزیکەی 48 کارگەی بەرهەمهێنانی دەرمانە لە هەردوو کەرتی گشتی و تایبەتدا.