توێژینەوە نوێیەکان دەریانخستووە سەرکەوتن بەسەر پەیژەکان تەمەن درێژ دەکات

ئاڤا نیوز

ڕۆژنامەی واشنتن پۆستی ئەمریکی ڕاپۆرتێکی بڵاوکردووەتەوە ئاماژە بەوە دەدات توێژینەوە نوێیەکان دەریدەخەن کە پێویست ناکات بۆ بەدەستهێنانی تەندروستییەکی باش کاتێکی زۆر لە هۆڵە وەرزشییەکان بەسەر ببەیت بەڵکو سەرکەوتن بەسەر پەیژە (پلیکانە) تەمەنت درێژ و تەندروستت دەکات.

چیرۆکی سەرەکی: بەپێی ڕێنماییە نوێیەکانی پزیشکان، هەموو جووڵەیەک بۆ تەندروستی مرۆڤ باشە و ڕۆژنامە ئەمریکییەکە باسی لەوەکردووە لەو ناوچانەی جیهان کە زۆرترین ڕێژەی کەسانی تەمەن سەروو 100 ساڵیان تێدایە وەک ناوچەی سەردینیا لە ئیتالیا، دەکرێت زیاتر تەندروست بن و نهێنیەکەش تەنیا بۆ جۆری خواردن ناگەڕێتەوە بەڵکو بۆ شێوازی ژیان کردن دەگەڕێتەوە.

زانیاریی زیاتر: دانیشتوانی ئەو شوێنانە بە شێوەیەکی سروشتی ڕۆژانە بەسەر هەوراز و نشێو و بەرز یان پەیژە سەردەکەون، بۆ نموونە، شوانەکانی ئەو ناوچەیە ڕۆژانە نزیکەی 300 مەتر بە شاخەکاندا سەردەکەون، وایکردووە تەندروستییەکی باشیان هەبێت.

هۆکارە زانراوەکان: بەپێی توێژینەوەیەکی زانکۆی سیدنی ئوسترالیا، ئەنجامدانی تەنها 4 بۆ 5 خولەک چالاکیی بەشێوەی پچڕ پچڕ لە ڕۆژێکدا، مەترسی مردنی پێشوەختە بە ڕێژەی 40٪ کەمدەکاتەوە. پسپۆڕانی تەندروستی دەڵێن: "بۆ ئەوەی بزانیت جووڵەکەت کاریگەری لەسەر تەندروستیت هەبووە، ئەم ڕێگایانە بەکاربێنە."

٠ سەرکەوتن بەسەر پەیژەکان وادەکات ماسولکە و قاچت بەهێز بێت تەنانەت چڕی ئێسکیشت زیاد دەکات.

٠ بەپێی توێژینەوەکان هێزی قاچەکانت پەیوەندی ڕاستەوخۆیان بە دواخستنی پیربوونی مێشکەوە هەیەم  لێدانی دڵ خێرا دەکەن و مەترسی جەڵتەی مێشک و نەخۆسییەکانی دڵ کەمدەکەنەوە. 

٠ گۆرانی بڵێ ئەگەر توانیت گۆرانییەکە بڵێی ئەوە چالاکییەکەت کاریگەرییەکی ئەوتۆی نییە.

ئەمەش بزانە: چالاکوانان و وەرزش دۆستان قسەیان بۆ ڕۆژنامە ئەمریکیەکە کردووە و وتویانە: "وەرزش تەنیا جلوبەرگی تایبەت و هۆڵی گرانبەها نییە، جووڵەکانی ژیانی ڕۆژانەت بکە بە وەرزش، قادرمەکان بەکاربهێنە و تەمەنی خۆت درێژ بکە."