ئەمریکا درۆنێکی ئێرانی لەنزیک کەشتیی فڕۆکەهەڵگری ئەبراهام لینکۆڵن خستە خوارەوە

ئاڤا نیوز

بەرپرسێکی سەربازیی ئەمریکا بە ئاژانسی ڕۆیتەرزی ڕاگەیاند، ڕۆژی سێشەممە، سوپای وڵاتەکەی درۆنێکی ئێرانییان لە ئاسمانی دەریای عەرەب تێکشاندووە.

ئەوەی پێویستە بیزانیت: بەگوێرەی ئاژانسی ڕۆیتەرز، درۆنەکە لە جۆری (شاهید-139) بووە و بە ئاراستەی کەشتیی فڕۆکەهەڵگری "ئەبراهام لینکۆڵن"ی ئەمریکی فڕیوە.

- فڕۆکەیەکی جەنگیی ئەمریکی لە جۆری ئێف-35 بەرپەرچی درۆنەکەی داوەتەوە و پێش ئەوەی بگاتە ئامانج، لە ئاسمان تێکی شکاندووە.

وێنە گەورەکە: ئەم ڕووداوە لە کاتێکدایە کە گرژییەکان لە ناوچەکە گەیشتوونەتە ئاستێکی مەترسیدار و ئەمریکا هێزێکی زۆری دەریایی و ئاسمانی لە دەوروبەری ئێران جێگیر کردووە.

لەلایەکی دیکە: تەنیا لە چەند کاتژمێری ڕابردوودا، ئەمە دووەم ڕووداوی لەو شێوەیەیە کە باس دەکرێت، دوای ئەوەی چەند بەلەمێکی ئێرانیش لە گەرووی هورمز لە کەشتی نەوت هەڵگری ئەمریکی نزیک بووبوونەوە.