بكوژانی گەنجەكەی خانەقین دەستگیر كران

ئاڤا نیوز

دەزگای ئاسایشی هەرێم، ئاشكرای دەكات كە دوو كەس بە تۆمەتی كوشتنی گەنجێك لە خانەقین، لە بازگەی دەربەندیخان دەستگیر كراون.

چیرۆكی سەرەكی: ڕۆژی 21-6-2025، گرژی و ئاڵۆزی لەنێوان سێ گەنج لە قەزای خانەقین دروست بوو و بە دوو كەس كەسی بەرامبەریان بە چەقۆ كوشت و پاشان ڤیدیۆی ساتی ڕووداوەكە لە تۆڕە كۆمەڵایەتییەكان بڵاو بووەوە و ناڕەزایی زۆر خەڵكی لێكەوتەوە و داوای دەستگیركردنی دوو تۆمەتبارەكەیان دەكرد كە بۆ شوێنی نادیار هەڵاتبوون.

ڕاگەیێنراوی فەرمی: دەزگای ئاسایشی هەرێم بڵاوی كردەوە: بەڕێوەبەرایەتی گشتیی ئۆپراسیۆنەکانی ئاسایش بەهەماهەنگی بەڕێوەبەرایەتی ئاسایشی بازگەکان لەبازگەی دەربەندیخان دوو تۆمەتباری هەڵاتوو لە یاسایان دەستگیر کرد.

 - ئەو دوو تۆمەتبارە لە ڕۆژی 21-6-2025، بە چەقۆ كەسێكیان كوشت و دەستبەجێ شوێنی ڕووداوەكەیان جێهێشت و هەڵاتن.

- بە بڕیاری دادوەری لێکۆڵینەوەی ئاسایش توانرا لە بازگەی دەربەندیخان هەردوو تۆمەتبارانی ڕووداوەکەی قەزای خانەقین دەستگیر بكرێن.

- تۆمەتبارەكان بە ماددەی( 406)لە یاسای سزادان ڕاگیراون و لێکۆڵینەوە لە دۆسیەکانیان بەردەوامە.