فایلی خەڵک؛ گرفتی کەمئاوی لە چەند گەڕەکێکی ڕانیە سەرهەڵدەدات

ئاڤا نیوز

بەهۆی وشکەساڵی و کەمبوونەوەی ئاو، گرفتی کەمئاوی لە چەند گەڕەکێکی ڕانیە سەریهەڵداوە. بەڕێوەبەری ئاوی ڕاپەڕینیش دەڵێت، لە هەوڵی چارەسەرکردنی ئەو کێشەیەداین.

وێنە گەورەکە: گەڕەکی ئازادی یەک لە قەزای ڕانیە کێشەی کەمی ئاویان بۆ دروست بووە، داوایان لە ئاڤا کردووە کێشەکەیان بگەێنێتە لایەنی پەیوەندیدار تاوەکو چارەسەری بۆ بدۆزرێتەوە.

لێدوانی فەرمی: سەلام عومەر، بەڕێوەبەری ئاوی ڕاپەڕین، بە ئاڤا میدیای ڕاگەیاند، "چەند ڕۆژێکە کێشەی کەمی ئاو لە چەند گەڕەکێکی ڕانیە دروست بووە، بەهۆی کەمبوونی پڕۆژەی ئاوی قولە، بەدواداچوون دەکەین بۆ چارەسەری ئەم کێشەیە، هەموو چاودێران و کەسانی پەیوەندیدار بانگ دەکەین بۆ بەڕێوەبەرایەتیی ئاو بۆ ئەوەی چارەسەریان بۆ بدۆزینەوە".

- "ئەگەر نەتوانین کێشەکە چارەسەر بکەین، لەوانەیە بە تانکەر ئاویان بۆ دابین بکەین تا چارەسەری تەواوی بۆ بدۆزینەوە".