فایلی خەڵک؛ ژمارەیەک کارگە لە دەربەندیخان هاووڵاتییان تووشی نەخۆشی دەکەن

ئاڤا نیوز

بەهۆی بوونی ژمارەیەک کارگە لە دەربەندیخان، هاووڵاتیان تووشی نەخۆشی ڕەبۆ و هەستیاریی پێست بوون، پزیشکێکی ئەو شارەش دەڵێت، ڕۆژانە هەشت بۆ 10 کەس لە دەربەندیخان تووشی ڕەبۆ دەبن.

وێنە گەورەکە: لە ساڵی 2000ەوە چەندین کارگەی دروستکردن و هاڕینی بەرد و چەو لە دەربەندیخان کاردەکەن، دانیشتووانی دەربەندیخانیش دەڵێن، "بەهۆی تۆزی کارگەکانەوە ڕێژەی نەخۆشییەکانی هەناسەتەنگی و پێست زۆر زیادیکردووە، ئێستا دامەزراندنی کارگەش ئەوەندە زۆربووە گەیشتوونەتە ناو کۆڵانەکانی دەربەندیخان".

زانیاریی پەیامنێر: ژیوار عەبدولرەحمان، پەیامنێری ئاڤا میدیا لە سلێمانی، قسەی لەگەڵ پزیشکێکی خەڵکی دەربەندیخان کردووە، ئەو دەڵێت لە 10 نەخۆش 8ی ڕەبۆیە.

لێدوانی فەرمی: سلێمان محەممەد، قائیمقامی دەربەندیخان بە ئاڤا میدیای ڕاگەیاند، چەندینجار لیژنەیان پێکهێناوە بۆ دوورخستنەوەی کارگەکان و گواستنەوەیان بۆ دەرەوەی شار، بەڵام هەموو جارێک "شکستی پێدەهێنن".