ترەمپ: لە کاتی گونجاودا سزاکانی سەر ئێران هەڵدەگرم

ئاڤا نیوز

سەرۆکی ئەمەریکا ڕایگەیاند، حەز دەکەم  لەکاتی گونجاودا سزا تووندەکانی ئەمریکا لەسەر ئێران هەڵبگرم.

وێنە گەورەکە: دوێنێ دووشەممە 7-7-2025،  دۆناڵد ترەمپ، سەرۆکی ئەمریکا لەگەڵ بنیامین نەتانیاهۆ، سەرۆکوەزیرانی ئیسرائیل لە کۆشکی سپی کۆبووەوە و تاوتوێی چەندین پرسی گرنگ و سەرەکی ناوچەکەیان کرد لە نێویاندا پرسی سزاکانی ئێران بوو.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: '' پێم باشە لە کاتی خۆیدا ئەو سزا ئابووریانەی سەریان هەڵبگرم و دەرفەتێکیان پێبدەم بۆ ئاوەدانکردنەوە بە شێوەیەکی ئاشتییانە و هیوادارم دروشمەکانی ؛مەرگ بۆ ئەمریکا، مەرگ بۆ ئیسرائیل' دووبارە نەکەنەوە.

هاوکات گوتی،  هەڵگرتنی سزا ئابوورییەکانی سەر دیمەشق لەلایەن ئەمریکا یارمەتییان دەدات بۆ بەرەوپێشچوون و سەقامگیری و ئاوەدانکردنەوە و هیوام وایە ئێرانیش هاوشێوەی سووریا خۆی بوونیات بنێتەوە.

لەلایەکی دیکەوە: ترەمپ گوتی، هیوادارم شەڕی نێوان ئیسرائیل و ئێران کۆتایی پێبێت، هاوکات باسی لەوە کرد حەز ناکەم ئەمریکا جارێکی دیکە ناچار بێت هێرشێکی وەک مانگی رابردوو دژی ئێران ئەنجام بدات.