ئێران دوایین ئاماری ژمارەی کوژراوانی وڵاتەکەی بەهۆی هێرشەکانی ئیسرائیلەوە بڵاودەکاتەوە

ئاڤا نیوز

حکومەتی ئێران ڕایگەیاند، ژمارەی کوژراوانی هێرشەکانی ئیسرائیل بۆ سەر وڵاتەکەیان  بۆ 1100 کەس بەرزبووەتەوە.

وێنە گەورەکە: بەهۆی هێرشەکانی ئیسرائیل لە مانگی ڕابردوو بۆ سەر ناوچە جیاوازەکانی  ئێران، جێگری سەرۆککۆماری ئێران ڕایگەیاند، بەهۆی هێرشەکانەوە هەزار و 100 کەس کوژران کە لە نێویاندا 126 کەسیان ژن و 41 یان منداڵن.

لێدوانی فەرمی: سەعید ئوحدی، جێگری سەرۆککۆماری ئێران ڕایگەیاند: هێرشەکانی ئیسرائیل بۆ سەر ئێران بوونە هۆی برینداربوونی پێنج هەزار و 600 کەس کە برینی 160 کەس سەختە و تا ئێستا لە نەخۆشخانەکان چارەسەر وەردەگرن.

باکگراوند: ڕۆژی 13-6-2025، ئیسرائیل بە فڕۆکەی جەنگی هێرشی ئاسمانی چڕی بۆ سەر ناوجە جیاوازەکانی ئێران دەستپێکرد و هێرشەکان بوونە هۆی کوژرانی دەیان سەرکردەی سەربازی و زانای ئەتۆمیی ئەو وڵاتە و مەبەستیش لەو ئۆپەراسیۆنە وەک ئیسرائیل دەڵێت، کۆتایی هێنان بوو بە بەرنامەی ئەتۆمیی ئێران.