لە بەرامبەر وەستاندنی شەڕی غەززە؛ ترەمپ بەڵێنێک بە نەتانیاهۆ دەدات

ئاڤا نیوز

ڕۆژنامەی ئیسرائیل هایۆم بە پشتبەستن بە سەرچاوە نزیکەکانی کۆشکی سپی بڵاویکردەوە، چەند وردەکارییەکی کۆبوونەوەی نەتانیاهۆ و ترەمپ ئاشکرا دەکات.

وێنە گەورەکە: ئەمریکا بەردەوامە لە هەوڵەکانی بۆ ئاسایی کردنەوەی پەیوەندییەکانی ئیسرائیل و سووریا، لە سەردانەکەی نەتایاهۆ بۆ کۆشکی سپی، ترەمپ لە بەرامبەر ئاسایی کردنەوەی پەیوەندییەکانی هەردوو وڵات مەرجێک بۆ ئیسرائیل دادەنێت.

زانیاریی بەدەستهاتوو: ڕۆژنامەی ئیسرائیل هایۆم لە زاری چەند سەرچاوەیەکی ئاگادار لە کۆشکی سپی بڵاویکردەوە، دۆناڵد ترەمپ، سەرۆکی ئەمریکا بەڵێنی ڕێککەوتنی نێوان ئیسرائیل و سووریای  لەبەرامبەر ڕەزامەندی ئیسرائیل لەسەر کۆتاییهێنان بە شەڕی غەززە داوە.

ئەوەی پێویستە بیزانیت: بەپێی ڕۆژنامەکە، ترەمپ نێردراوێکی ناردووە بۆ دیمەشق بۆ ڕێککەوتنێکی نێوان سوریا و ئیسرائیل، بەڵام تاوەکو ئێستا نێردراوەکە و وردەکاری ڕێککەوتنەکە ئاشکرا نەکراوە.