ڕووسیا بۆ ڕاگرتنی جەنگی ئۆکراینا مەرجی هەیە

ئاڤا نیوز

وەزیری دەرەوەی ڕووسیا، مەرجە سەرەکییەکانی  وڵاتەکەی بۆ کۆتاییهێنان بە جەنگی ئۆکراینا ئاشکرا دەکات.

وێنە گەورەکە: شەڕی ڕووسیا و ئۆکراینا سێ ساڵ زیاترە بەردەوامە و هەردوو وڵات چەندین مەرجیان هەیە بۆ راگرتنی شەڕ و ڕاگەیاندنی ئاگربەست و بۆ ئەم مەبەستە دوو جار دانوستانیان ئەنجامداوە بەڵام نەگەیشتوونەتە ڕێککەوتنێکی هەمیشەیی.

لێدوانی فەرمی: سێرگی لاڤرۆڤ، وەزیری دەرەوەی ڕووسیا لە چاوپێکەوتنێکدا ڕایگەیاند: ڕووسیا ڕازی نابێت بە ئاگربەست لەگەڵ ئۆکراینا تاوەکو سزا ئابوورییەکان و سزاکانی دیکە لەسەر وڵاتەکەمان  هەڵنەگیرێت و وڵاتانی ڕۆژئاوا سەدان ملیار دۆلار لە سەروەت و سامانی بلۆککراوی ڕووسیا نەگەڕێننەوە.

زانیاریی زیاتر: هاوکات گوتیشی، مەرجێکی دیکەمان ئەوەیە دەبێت 'هۆکارە بنەڕەتییەکانی' جەنگی ئۆکراینا چارەسەر بکرێن کە بە گوتەی پوتن بریتییە لەوەی ئۆکرانیا لەو ناوچانەی کەوتووەتە ژێر دەستی ڕووسیا، بکشێتەوە، هەروەها واز لە هەوڵەکانی بۆ بوونە ئەندام لە ناتۆ بهێنێت، دەبێت وڵاتانی جیهان بە فەرمی بەشێک لە دوورگەکانی وەک کریمیا و ناوچەکانی دۆنێتسک، لوهانسک، خێرسۆن و زاپۆریژیا وەک بەشێک لە خاکی ڕووسیا بناسێنێت.