ماهیر زەین بۆ یەکەمجار سروودێک بە زمانی کوردی بڵاودەکاتەوە

ئاڤا نیوز

ماهیر زەین، سروودخوێنی ئایینی، سروودێکی بە زمانی کوردی بە ناوی  "یا غەفوور و یا ڕەحیم" لە کەناڵی تایبەتی خۆی لە یوتیوب بڵاوکردەوە.

چیرۆکی سەرەکی: ماهیر زەین بە ڕەچەڵەک لوبنانییە و هەڵگری وڵاتینامەی سوێدە، بە زۆرینەی زمانە جیهانییەکان سروودی ئایینی خوێندووە، بۆ ئەم ڕەمەزانە بە زمانی کوردی سروودێکی بڵاوکردەوە.

لێدوانی فەرمی:  سەبارەت بە بەرهەمە نوێیەکەی، زەین لە پێگەی فەرمی خۆی لە تۆڕی کۆمەڵایەتی ئێکس نووسیویەتی "یەکەمجارە بە زمانی کوردی سروود دەخوێنم، هیوادارم هەمووتان سەیری بکەن."

زانیاریی زیاتر: سروودە نوێیەکەی ماهیر زەین بە زاراوەی کرمانجی ژوورووە، لە ماوەی حەوت کاتژمێردا زیاتر لە 90 هەزار بینەری هەبووە.