وەزیری تەندروستی: داوا لە خەڵک دەکەین دەرمانی ئۆنلاین نەکڕن

ئاڤا نیوز

سەبارەت بە فرۆشتنی دەرمانی جۆراوجۆر بە شێوەی ئۆنلاین، وەزیری تەندروستی دەڵێت “هەر دەرمانێک لەلای حکومەت تۆمار نەکرابێت قاچاخە”.

لێدوانی فەرمی: د. سامان بەرزنجی، وەزیری تەندروستیی حکومەتی هەرێمی کوردستان بە ئاڤا میدیای ڕاگەیاند: داوا لە هاونیشتمانیان دەکەین کە دەرمانی ئۆنلاین و تۆمارنەکراو نەکڕن، هەروەها بڕوا بە ئەو ڕیکلامانە نەکەن کە باس لە سپیکردنەوەی ددان و جەستە، لابردنی موو، دابەزاندن یان زیادکردنی کێش دەکەن، گرفت بۆ تەندروستییان دروست دەکات.

وەزیری تەندروستی ئەوەشی وت: ئەگەر دەرمانێک لەلای حکومەت تۆمار نەکرابێت و کوالێتی کۆنترۆڵ نەبێت و ستیکەری پێوە نەبێت، ئەوا ئەو دەرمانە قاچاخە، ئەگەر دەرمانێک تۆمارکرابێت بە ئۆنلاین نافرۆشرێت.