لە پشدەر حەوت کەس بە تۆمەتی هاندانی گەنجان بۆ کۆچکردن دەستگیر کران

ئاڤا نیوز

لە پشدەر حەوت کەس بە تۆمەتی هاندانی گەنجان سەبارەت بە کۆچکردن بۆ دەرەوەی وڵات دەستگیر کران.

وێنە گەورەکە: لەقەزای پشدەر حەوت کەس دەستگیرکران و دواتر بەکەفالەت ئازاد کران، ئەم حەوت کەسە دەگوترێ، کارئاسانییان کردووە بۆ گەنجانی قەزاکە و ڕێگەیان پیشانداون کە چۆن کوردستان جێبێڵن و بچن بۆ ئەورووپا.

چی ڕوویدا: ژمارەیەک گەنج گردبوونەوە و ناڕەزایەتییان دەربڕی، وتیان پاسپۆرت و پارەمان داوە بەو کەسانەی گیراون بۆ ئەوەی بمانبەن بۆ ئەوروپا، ئێستا ترسمان هەیە پاسپۆرت و پارەکانمان بفەوتێ.

باکگراوند: پێشتر ڕێکخراوی گەنجانی ڕاپەڕین بڵاویکردبوویەوە کە گەنجانی ڕاپەڕین دەستیان کردووەتەوە بە کۆچکردن بۆ ئەوروپا، ئەمجارە بە لیبیادا دەڕۆن، ئەوەش ڕێگەیەکی زۆر ترسناکە، ژیانی خۆیان دەدەنە دەست کۆمەڵێک مافیاوە.