قاسم ئەعرەجی لەسەر ڕاسپاردەی سوودانی گەیشتە هەولێر

ئاڤا نیوز

ڕاوێژکاری ئاسایشی نیشتمانیی عێراق، لەسەر ڕاسپاردەی محەممەد شیاع سوودانی، سەرۆکوەزیرانی عێراق، گەیشتە هەولێری پایتەختی هەرێمی کوردستان.

 

ڕاگەیێنراوی فەرمی: بەگوێرەی ڕاگەیێندراوێکی نووسینگەی ڕاگەیاندنی ڕاوێژکاری ئاسایشی نیشتمانی، سەردانەکەی قاسم ئەعرەجی بەمەبەستی ئەنجامدانی زنجیرەیەک دیداری سیاسی و ئەمنی گرنگە لەگەڵ بەرپرسان و سەرکردایەتیی هەرێمی کوردستان.

 

لە هەمان کاتدا: ئەم سەردانە لە چوارچێوەی هەوڵەکان دێت بۆ پتەوکردنی هەماهەنگیی ئەمنی و سیاسیی نێوان حکومەتی فیدراڵی لە بەغدا و حکومەتی هەرێمی کوردستان، بەمەبەستی تاوتوێکردنی دۆسیە هاوبەشەکان. وەک خۆی دەڵێت، سەردانەکەی لەسەر ڕاسپاردەی محەممەد شیاع سوودانی، سەرۆکوەزیرانی عێراقە.

 

لەلایەکی دیکە: لەکاتی گەیشتنی بۆ هەولێر، قاسم ئەعرەجی لەلایەن ڕێبەر ئەحمەد، وەزیری ناوخۆی هەرێمی کوردستانەوە پێشوازی لێکرا.