فەرمانی دامەزراندن بۆ 75 کەس لە هەڵەبجە دەرچوو

ئاڤا نیوز

وەزارەتی شارەوانی و گەشتوگوزاری هەرێمی کوردستان، فەرمانی دامەزراندنی بۆ زیاتر لە 75 کەس لە هەڵەبجە دەرکرد.

 

وێنە گەورەکە: لە ڕابردوودا لەسەر داوای پارێزگای هەڵەبجە، سەرۆکوەزیران مەسرور بارزانی ڕەزامەندی لەسەر دامەزراندنی 500 کەس بۆ پارێزگاکە دەربڕی، دوا تەواوکردنی ڕێکارەکان لە ئەنجوومەنی وەزیران و ئەنجوومەنی ڕاژە، ئەمڕۆ وەزارەتی شارەوانی و گەشتوگوزار فەرمانی دامەزراندنی  زیاتر لە 75 کەسی دەرکرد.

 

لێدوانی فەرمی: نوخشە ناسح، پارێزگاری هەڵەبجە بە ئاڤا میدیای ڕاگەیاند، ئەو کەسانەی ئەمڕۆ فەرمانی دامەزراندنیان بۆ دەرچوو، لە چوارچێوەی دامەزراندنی 500 کەسەکە بۆ پارێزگای هەڵەبجە دانرا بوو.

پارێزگاری هەڵەبجە دەڵێت، لە چەند ڕۆژی داهاتوو فەرمانی دامەزراندن بۆ فەرمانبەرانی دامەزراوەکانی دیکەش دەردەچێت.

ئەوە پێویستە بیزانیت: داوا لەو کەسانە دەکرێت کە ناویان لە دامەزراوانی سەر بە بەڕێوەبەرایەتیی گشتیی شارەوانیەکانی هەڵەبجەدا هەیە، ڕۆژی یەکشەممە 13-7-2025، سەردانی بەڕێوەبەرایەتیی گشتیی شارەوانی بکەن بۆ تەواوکردنی مامەڵەی دامەزراندنیان.