نەتانیاهۆ و ئەحمەد شەرع لە واشنتن کۆ دەبنەوە و ڕێککەوتنێک واژۆ دەکەن

ئاڤا نیوز

 

بەگوێرەی میدیای ئیسرائیل، بنیامین نەتانیاهۆ، سه‌رۆکوەزیرانی ئیسرائیل و ئه‌حمه‌د شه‌رع، سه‌رۆككۆماری سووریا لە واشنتن کۆدەبنەوە و ڕێککەوتنێک واژۆ دەکەن.

 

زانیاریی بەدەستهاتوو: بەگوێرەی ڕاپۆرتێکی کەناڵی 24 ئیسرائیلی، ''بڕیارە بنیامین نەتانیاهۆ، سەرۆکوەزیرانی ئیسرائیل و ئەحمەد شەرع، سەرۆککۆماری سووریا لە مانگی ئەیلولی ئەمساڵدا لە واشنتن کۆببنەوە بۆ ئەنجامدانی کۆبوونەوەیەکی دیپلۆماسی بە نێوەندگیریی ئیمارات و پاڵپشتی ئەمریکا''.

 

ئەوەی لەبارەیەوە دەگوترێت: بڕیارە ئەم کۆبوونەوەکە به‌ر له‌ كۆبوونه‌وه‌ی نه‌ته‌وه‌یه‌كگرتووه‌كان له‌ مانگی ئه‌یلوول بەڕێوەبچێت، هاوکات كۆبوونه‌وه‌كه‌ له‌ كۆشكی سپی ده‌بێت و تێیدا ڕێككه‌وتنی ئه‌منی له‌ نێوان هه‌ردوولادا به‌ سه‌رپه‌رشتیی دۆناڵد تره‌مپ واژۆ ده‌كرێت، هه‌نگاوی یه‌كه‌م بریتی دەبێت بۆ ڕێككه‌وتنی ئاشتی و ئاساییكردنه‌وه‌ی په‌یوه‌ندییه‌كانی نێوان سووریا و ئیسرائیل.

 

زانیاریی زیاتر: ئەمریکا دەیەوێت پەیوەندییەکانی نێوان سووریا و ئیسرائیل ئاسایی بکاتەوە و بۆ ئەم مەبەستە، تۆم باراک نێردەی ترەمپ بۆ کاروباری سووریا ئاشکرای کرد، ده‌یانه‌وێت شه‌ڕ و هێرشه‌كان له‌سه‌ر سنووری نێوان سووریا و ئیسرائیل ڕابگرن، هاوکات خواستی ئیدارەی ترەمپی خستووەتەڕوو کە دەیەوێت دیمه‌شق بچێته‌ ناو ڕێككه‌وتننامه‌كانی ئیبراهیمی.‌