دادوەرێکی نوێی دادگای فیدراڵی دەست بەکاردەبێت

ئاڤا نیوز

دادوەرێکی نوێی دادگای فیدڕاڵی لەبەردەم سەرۆککۆماری عێراق سوێندی دەستووریی خوارد و بووە ئەندامی یەدەگی دادگاکە، دادوەرە تازەکە شوێنی دادوەر مونزیر ئیبراهیم دەگرێتەوە کە پێشتر ئەویش ئەندامی یەدەگ بوو و 3ـی ئەم مانگە بووە سەرۆکی نوێی دادگای باڵای فیدراڵیی.

وێنە گەورەکە: بەهۆی کێشە ناوخۆییەکانەوە، 23ـی مانگی ڕابردوو جاسم عومەیری، سەرۆکی دادگای باڵای فیدراڵی دەستلەکارکێشانەوەی پێشکەش کرد، 3ـی ئەم مانگەش دادوەر مونزیر ئیبراهیم حوسێن، وەک سەرۆکی نوێی دادگای باڵای فیدراڵیی عێراق سوێندی دەستووریی خوارد، 1ـی ئەم مانگەش نۆ ئەندامەکەی دادگاکە لە بڕیاری دەستلەکارکێشانەوەی پەشیمان بوونەتەوە.

ڕاگەیێنراوی فەرمی: سەرۆکایەتی کۆماری عێراق بڵاویکردەوە، ئەمڕۆ چوارشەممە دادوەر حەسەن خەفاجی وەک ئەندامی یەدەگی دادگای فیدراڵی لەبەردەم لەتیف ڕەشید، سەرۆککۆمار سوێندی دەستووری خوارد.

سەرۆککۆمار لە ڕێوڕەسمەکەدا ئەوەی خستووەتەڕوو، دادگای فیدڕاڵی کۆڵەکەی ژیانی دەستوورییە لە عێراق و پشتیوانی بنەمای دادوەرپەروەریی و سیستمی سیاسیی وڵاتە.