هۆشداری لەبارەی خواردنی شیلکەوە دەدرێت

ئاڤا نیوز

سەرەڕای سوودە تەندروستییە زۆرەکانی شیلک 'فراولە'، شارەزایانی خۆراک، هۆشداری دەدەن لە مەترسییەکانی زۆر خواردنی ئەم میوە هاوینەیە دەدەن، چونکە لەوانە هەندێک کاریگەر لاوەکی بەسەر جەستەی مرۆڤدا بەجێبهێڵێت.

ئەوەی لەبارەیەوە دەگوترێت: شیلک 'فراولە' دەوڵەمەندە بە ڤیتامین، ڕیشاڵ، پۆتاسیۆم، کالیسۆم و مەگنیسیۆم هەر بۆیەش لە ڕیزبەندی 20 میوەی سەرەکیدایە، بەڵام سەرەڕای سوودەکانی هەندێک لایەنی نەرێنیشی هەیە بۆیە ڕێنمایی دەدرێت بە خواردنی ڕێژەیەکی کەمتر 

زانیاریی بەدەستهاتوو: لۆرن مانکەر، پسپۆڕی خۆراک لە ڕاپۆرتێک بۆ ماڵپەری دێلیش ئاشكرای کردووە، زیادەڕۆیی کردن لە خواردنی فراولە، لەوانەیە ببێتە هۆی کێشەی هەرسکردن وەک ئاوسانی جەستە یان سکچوون، بەهۆی ڕێژەی بەرزی ڕیشاڵەکانیەوە، هاوکات خواردنی بڕێکی زۆر کاریگەری لەسەر ئاستی شەکری خوێنیش دەکات، بەتایبەتی لە تووشبووانی شەکرەدا، سەرەڕای ئەوەی ڕێژەی شەکری تاڕادەیەک کەمە بە بەراورد بە میوەکانی تر.