سەرچاوەیەکی ئیسرائیلی: نەتانیاهۆ سەردانەکەی بۆ واشنتن درێژ دەکاتەوە

ئاڤا نیوز

دوای ئەوەی سەرۆکوەزیرانی ئیسرائیل ڕۆژی دووشەممە بەسەردانێکی فەرمی گەیشتە واشنتن بۆ کۆبوونەوە لەگەڵ سەرۆکی ئەمریکا، سەرچاوەیەکی ئیسرائیلی ئاشکرای دەکات، بڕیارە نەتانیاهۆ سەردانەکەی درێژ بکاتەوە.

چیڕۆکی سەرەکی: بنیامین نەتانیاهۆ، سەرۆکوەزیرانی ئیسرائیل، ڕۆژی دووشەممە 2025-07-07، گەیشتە واشنتن و ڕۆژی دواتر لەگەڵ دۆناڵد ترەمپ، سەرۆکی ئەمریکا و وەزیری دەرەوە کۆبووەوە، پرسەکانی ڕۆژهەڵاتی ناوەڕاستیان تاتوێی کرد و گەرمترینیان پرسی غەززە بووە.

بڵاوکراوەی فەرمی: ڕۆژنامەی ئیسرائیل هایۆم بڵاویکردەوە، ''بنیامین نەتانیاهۆ، سەرۆکوەزیرانی ئیسرائیل بیر لە درێژکردنەوەی سەردانەکەی بۆ ئەمریکا تا ڕۆژی شەممە دەکاتەوە''.

زانیاریی زیاتر: ڕۆژنامەکە لە زاری سەرچاوەیەکی ئاگادار، ڕایگەیاندووە، ''گفتوگۆ دەکرێت بەم نزیکانەش بڕیار لەسەر ئەوە دەدرێت کە ئایا نەتانیاهۆ ڕۆژانی هەینی و شەممە لە ئەمریکا دەمێنێتەوە، یان لە بەرواری دیاریکراو دا دەگەڕێتەوە بۆ وڵاتەکەی''.

بە تەنیشت ئەم بابەتەوە: ڕۆژنامەی تایمز ئۆف ئیسرائیل لە زاری سەرچاوەیەکی شاندی سەرۆکوەزیرانی ئیسرائیلەوە ڕایگەیاندووە، “لەم قۆناغەدا هیچ کۆبوونەوەیەکی زیادەی نێوان نەتانیاهۆ و ترەمپ پلانی بۆ دانەنراوە''.