کونسوڵخانەی ئەمریکا: كارەبای 24 كاتژمێری هەنگاوێكی گرنگی پێشكەوتنە بۆ كوردستان

ئاڤا نیوز

كونسوڵخانەی گشتیی ئەمریكا لە هەولێر لە لاپەڕەی فەرمیی خۆی لە تۆڕی كۆمەڵایەتیی فەیسبووك پەیامێكی سەبارەت بە پڕۆژەی ڕووناكی بڵاو كردەوە و بە هەنگاوێكی گرنگ وەسفی دەكات.

وێنە گەورەکە: پرۆژەی ڕووناکی کە ئامانج لێی دابینکردنی کارەبای 24 کاتژمێرییە، یەکێکە لە هەنگاوە ستراتیژییەکانی کابینەی نۆیەمی حکومەتی هەرێمی کوردستان، تا کۆتایی ساڵی 2026 دەگاتە هەموو ناوچەیەکی هەرێمی کوردستان.

پەیامی فەرمی:  كونسوڵخانەی گشتیی ئەمریكادا لە پەیامێکدا دەڵێت، "گەیشتنی كارەبای 24 كاتژمێری بە دوو ملیۆن كەس لە دانیشتووانی هەرێمی كوردستان، هەنگاوێكی گرنگ و بنەڕەتیی پێشكەوتنە بۆ هەرێمی كوردستان، شانازی دەكەین بە بینینی كۆمپانیا ئەمریكییەكانی 'جێنەڕەڵ ئەلیکتریک ڤێرنۆڤا' لە پشتیوانیكردنی ئاسایشی وزەی عێراق و هەرێمی كوردستان".