وەزارەتی پەروەردە ئامادەکاری بۆ ساڵی نوێی خوێندن دەکات

ئاڤانیوز

وەزارەتی پەروەدەی هەرێمی کوردستان ئامادەکاری بۆ ساڵی نوێی خوێندن دەکات، بۆ ئەم مەبەستە کۆبوونەوەیەکی فراوانی ئەنجامدا.

چیرۆکی سەرەکی: ڕۆژی پێنجشەممه ڕێکەوتی 10-7-2025، ئەنجوومەنی وەزارەتی پەروەردە بە سەرپەرشتیی وەزیری پەروەردە و بە ئامادەبوونی بەڕێوەبەری پەروەردەی قەزاکان و بەڕێوەبەری دڵنیایی جۆریی و سەرپەرشتیکردنی پەروەردەیی پارێزگا و ئیدارە سەربەخۆکان کۆبووەوە و  چەند تەوەرێکی تایبەت بە ساڵی نوێی خوێندن گفتوگۆی لەبارەوە کرا.

ڕاگەیێنراوی فەرمی: لە ڕاگەیێنراوێکدا وەزارەتی پەروەردە ئاماژەی بۆ ئەوە کردووە، وەزارەت گفتوگۆی کردووە دەربارەی ئەم تەوەرانە: 

- ڕێنمایی وەرگرتنی قوتابیان بۆ ساڵی خوێندنی 2025 - 2026.

- ڕێکخستنی میلاکاتی مامۆستایان لە نێوەندەکانی خوێندن بۆ ساڵی خوێندنی 2025 - 2026.

- ئەزموونەکانی بەرایی (تمهیدی) پۆلی 12ی ئامادەیی.

- قوتابیانی خاوەنپێداویستیی تایبەت.