ڤیدیۆ؛ مەراسیمی چەکدانانی یەکەم گرووپی پەکەکە

ئاڤا نیوز

كەمێك پێش ئێستا مەراسیمی گەڕی یەكەمی چەكدادانی پەكەكە كە لە ئەشكەوتی جاسەنە لە ناوچەی سوورداش لە پارێزگای سلێمانی، كۆتایی هات.

زانیاریی بەدەستهاتوو: بەپێی زانیارییەكانی ئاڤا میدیا كەمێكی دیكە دیمەنی مەراسیمی چەكدانانەكە لە میدیاكان پەخش دەكرێت، ئەمە لە كاتێكدایە كە ڕێگە نەدرا میدیاكاران بچنە شوێنی مەراسیمەكە، ئەو چەكانەی كە ڕادەست كراون بریتین لە كڵاشینكۆف، بی كەی سی، ئاڕ پی جی.

زانیاریی زیاتر: لە مەراسیمەكەدا 30 چەكداری پەكەكە چەكەكانیان داناوە كە 15یان پیاو و 15شیان ئافرەتن و چەكەكانیان سووتاند و پاشان ڕاگەیێنراوێكیشیان بڵاو كردەوە.

ئەمەش بزانە: لە دوو هەفتەی ڕابردووەوە تاوەكوو پێشنیوەڕۆی ئەمڕۆ، وا بڵاو دەكرایەوە كە مەراسیمەكە لە سنووری قەزای پشدەر لە ئیدارەی ڕاپەڕین بەڕێوەدەچێت، بەڵام لە دواساتدا ئاشكرا كرا كە سنووری سوورداش لە قەزای دووكان سەر بە پارێزگای سلێمانی بەڕێوەدەچێت.