نەتەوە یەکگرتووەکان: حکومەتی سووریا هیچ پەیوەندییەکی بە قاعیدەوە نییە

ئاڤا نیوز

نەتەوە یەکگرتووەکان ڕاپۆرتێکی سەبارەت بە سووریا ئامادە کردووە و تیایدا ئاماژە بەوە دەکات کە حکومەتی نوێی سووریا هیچ پەیوەندییەکی بە ڕێکخراوی قاعیدەوە نییە.

زانیاریی بەدەستهاتوو: ڕاپۆرتەکە هێشتا بڵاو نەکراوەتەوە و ئاژانسی ڕۆیتەرز دەستی پێی گەیشتووە. لە بەشێکیدا هاتووە کە لە مانگی یەکەمی ساڵی 2025 تا 22ـی حوزەیران هیچ پەیوەندییەکی چالاک لە نێوان ڕێکخراوی قاعیدە و حکومەتی نوێی سووریادا تۆمار نەکراوە.

زانیاریی زیاتر: ڕاپۆرتەکە لەسەر بنەمای زانیاریی و هەڵسەنگاندانی وڵاتانی ئەندامی نەتەوە یەکگرتووکان ئامادە کراوە و چاوەڕێ دەکرێت لەم مانگەدا بڵاو بکرێتەوە. 

ئەمەش بزانە: چاوەڕێ دەکرێت بڵاوبوونەوەی ئەم ڕاپۆرتە هاندەرێکی دیکە بێت بۆ ئەمریکا تا سزاکانی لەسەر سووریا خێراتر لا ببات.