ناتۆ بۆ ئاڤا: پێشوازی لە چەکدانانە مێژووییەکەی پەکەکە دەکەین

ئاڤا نیوز

هاوپەیمانیی باکووری ئەتڵەسی پێشوازی لە یەکەم گەڕی چەکدانانی پەکەکە دەکات و بە هەنگاوێکی مێژووی ناوزەندی دەکات. 

چیرۆکی سەرەکی: ڕۆژی هەینی 11-7-2025 ژمارەیەک چەکداری پارتی کرێکارانی کوردستان 'پەکەکە'، کە پێکهاتبوون لە 30 کەس لە مەراسیمێکی تایبەت دا بە بەشداری نوێنەری لایەنە سیاسییەکان و لایەنە ئەمنییەکانی عێراق و ناوچەکە، یەکەم گەڕی چەکدانانیان لە ئەشکەوتی جاسەنە ئەنجامدا.

لێدوانی فەرمی: بەرپرسێکی باڵای هاوپەیمانیی باکووری ئەتڵەسی (ناتۆ) لە لێدوانێکی تایبەتدا بە ئاڤا میدیای ڕایگەیاند، وڵاتانی ئەندام لە هاوپەیمانییەکە پارتی کرێکارانی کوردستان (پەکەکە) بە ڕێکخراوێکی تیرۆریستی دادەنێن و ناتۆش پێشوازی لە پرۆسەی چەکدانانە مێژووییەکەی دەکات.

زانیاریی زیاتر: ئەم لێدوانە دووپاتکردنەوەی هەڵوێستی فەرمیی ناتۆیە سەبارەت بە پەکەکە، کە تورکیا وەک دووەم گەورەترین سوپا لەناو هاوپەیمانییەکە دا، دەیان ساڵە لە شەڕدایە لەگەڵ ئەو ڕێکخراوە چەکدارییە.