تورکیا هۆشدارییەک دەداتە میدیاکان لە بڵاوکردنەوەی هەواڵی ناڕاست لەسەر پڕۆسەی ئاشتی

ئاڤا نیوز

بەشی بەرەنگاربوونەوەی زانیاریی ناڕاست لە وەزارەتی پەیوەندییەکانی تورکیا، هۆشداریی دەداتە میدیاکانی تورکیا لەوەی هەواڵی ناڕاست و زانیاریی بێ بنەما لەسەر بەڕێوەچوونی پرۆسەی ئاشتیی بڵاوبکەنەوە.

ڕاگەیێنراوی فەرمی: ناوەندی بەرەنگاربوونەوەی زانیاریی ناڕاست کە سەر بە سەرۆکایەتیی کۆماری تورکیایە ڕایگەیاند، هەندێک لە ڕۆژنامەنووسان و دەزگاکانی ڕاگەیاندن لە پلاتفۆڕمەکانی سۆشیال میدیا و ڕاگەیاندنەکانیان، ڕاستییەکانی پرۆسەی "تورکیایەکی بێ تیرۆر" بە لاڕێدا دەبەن، پڕوپاگەندە بڵاودەکەنەوە.

- پڕۆسەی گەیشتن بە تورکیایەکی بێ تیرۆر بە شێوەیەکی کۆنترۆڵکراو و شەفاف و یەکلاکەرەوە بەڕێوە دەچێت، بە هەماهەنگی دامەزراوە پەیوەندیدارەکانی دەوڵەت.

- ئەم هەنگاوە مێژووییە کە بۆ جێبەجێکردنی دیدگای تورکیایەکی سەقامگیر و ئاوەدان و دوور لە تیرۆر گیراوەتەبەر، لە پێناو سەقامگیری و گەشەسەندنی وڵاتەکەماندا بەشێوەیەکی بەرفراوان لەلایەن میللەتەکەمانەوە لە باوەش دەگیرێت. 

- داوا لە هاووڵاتییان دەکرێت بە وریاییەوە گوێی لە زانیارییەکان بگرن، بۆ لێدوان و قسەی ڕاست پێویست دەکات بگەڕێنەوە بۆ سەرچاوە فەرمییەکان.

لێرەوە سوپاسی کاربەدەستانی هەرێمی کوردستانی عێراق دەکەم و سوپاسیان دەکەم بۆ هاوکاری و هەماهەنگیان لە سەرخستنی پڕۆسەی ئاشتی.