فەرماندەیەکی سریەی سەرایا سەلام لە میسان خۆی کوشت

ئاڤا نیوز

شاری عەمارە لە پارێزگای میسان، بووە گۆڕەپانی ڕووداوێکی تەمومژاوی کە بووە هۆی گیانلەدەستدانی فەرماندەیەکی دیاری ڕەوتی سەدر و سەرایا سەلام بە ناوی زیا یاسری، بەڵام سێ سیناریۆی جیاواز و دژبەیەک لەبارەی چۆنیەتیی ڕووداوەکەوە بڵاو بووەتەوە.

زانیاریی بەدەستهاتوو: بەگوێرەی سەرچاوەیەکی ئەمنی کە قسەی بۆ ئاڤا میدیا کردووە، باس لەوە دەکات کە ڕووداوەکە خۆکوژی بووە. بەپێی ئەم سەرچاوەیە، (یاسری) کە لە چلەکانی تەمەنیدا بووە، لەناو ماڵەکەی خۆیدا و بە بەکارهێنانی دەمانچەیەک کۆتایی بە ژیانی خۆی هێناوە. سەرچاوەکە ئاماژەی بەوەشکردووە کە هێزە ئەمنییەکان دەستیان بە لێکۆڵینەوە کردووە و تەرمەکە بۆ پزیشکیی دادی نێردراوە، بەڵام هۆکاری خۆکوژییەکە هێشتا نادیارە.

لەلایەکی دیکەوە: سەرچاوەیەکی دیکەی ئەمنی باس لەوە دەکات کە زیا یاسری، فەرماندەی سریەی 21 لە فەوجی چوارەمی سەرایا سەلام، لە ئەنجامی هێرشێکی چەکداریدا "تیرۆرکراوە".

ئەوەی پێویستە بیزانیت: تا ئێستا هیچ ڕوونکردنەوەیەکی فەرمی لەلایەن سەرکردایەتیی سەرایا سەلام یان دەزگا ئەمنییەکانەوە دەرنەچووە، ئەمەش بووەتە هۆی دروستبوونی دۆخێکی تەمومژاوی لەبارەی هۆکاری ڕاستەقینەی گیانلەدەستدانی ئەو فەرماندەیە.