وەزارەتی بازرگانی ڕیشهێشتنەوە لە فەرمانبەرانی قەدەغە دەکات

ئاڤا نیوز

کۆمپانیای گشتیی بازرگانیی خۆراک، سەر بە وەزارەتی بازرگانیی عێراق، لە گشتاندنێکی فەرمیدا کە کاردانەوەی زۆری لێکەوتووەتەوە، ڕێنمایی داوەتە سەرجەم فەرمانبەرانی کە ڕیشیان نەهێڵنەوە بە شێوەیەک کە "سەرنجڕاکێش" بێت، و بە تووندی هۆشداریی دا لە "خۆچوواندن بە داعش یان میلیشیاکانی دیکە."

بڵاوکراوەی فەرمی: بەپێی ئەو نووسراوە فەرمییەی کە لەلایەن ئەندازیار لەما هاشم حوسێن، بەڕێوەبەری گشتیی کۆمپانیاکەوە واژۆکراوە و ئاراستەی سەرجەم بەش و لقەکانی کۆمپانیاکە کراوە، هاتووە: "لەسەر بنەمای زەوقی گشتیی وەزیفە" لەسەر بنەمای ڕەوشتی پیشەیی، ڕێنمایی دەکرێت کە هاتنی فەرمانبەر بۆ دەوامی فەرمی بە دەرکەوتنێکی شایستە بێت و ڕیشی بە شێوەیەکی سەرنجڕاکێش نەهێشتبێتەوە و خۆی بە (داعش یان میلیشیاکانی دیکە) بەراورد نەکردبێت."

نووسراوەکە هەروەها جەختی کردۆتەوە کە "بەڕێوەبەری شوێنەکە بەرپرسیارێتیی تەواو هەڵدەگرێت ئەگەر ئەم ڕێنماییە بە فەرمانبەرانی نەگەیێنێت."

لەلایەکی دیکەوە: نووسراوەکە لەلایەن پەرلەمانتار، ئەمیر مەعمورییەوە، بڵاوکرایەوە و کاردانەوەی لێکەوتەوە. مەعموری لەسەر نووسراوەکە نووسیویەتی: "هەرکەسێک ڕیشی بهێڵێتەوە، بەپێی فەرمانی کۆمپانیای گشتیی بازرگانیی خۆراکی سەر بە وەزارەتی بازرگانی، بە کەسێکی شوێنکەوتووی میلیشیاکان و داعش دادەنرێت."