ئیسرائیل: حەماس ناتوانێت بەشێک بێت لە داهاتووی غەززە

ئاڤا نیوز

نوێترین لێدوانی وەزیری دەرەوەی ئیسرائیل لەبارەی داهاتووی غەززەوە ئاشکرای دەکات، حەماس ناتوانێت بەشێک بێت لە داهاتووی غەززە.

وێنە گەورەکە: هەوڵەکان بۆ گەیشتن بە ئاگربەست لە غەززە بەردەوامن، سەرەڕای ئەوەی دانووستانەکانی نێوان ئیسرائیل و بزووتنەوەی حەماس پێشكەوتنێکی بەرچاویان بەدەستنەهێناوە و ئیسرائیلیش بەردەوامە لە بۆردومانکردنی غەززە.

 

لێدوانی فەرمی: جەدعون ساعر وەزیری دەرەوەی ئیسرائیل ڕایگەیاند، ئیسرائیل بەنیازی ئەوەی نییە بۆماوەیەکی درێژ کۆنتڕڵی غەززە بکات، هاوکات دەشڵێت، حەماس ناتوانێت بەشێک بێت لە داهاتووی غەززە.

 

زانیاریی زیاتر: هەر یەکە لە ئیسرائیل و بزووتنەوەی حەماس بە تێکدانی دانووستانەکان یەکتری تۆمەتبار دەکەن و ڕایگەیاندووە، ناتانیاهۆ نایەوێت هیچ ڕێککەوتنێک لەبارەی غەززەوە بکات، ئەمەش لەکاتێکدایە کە پێشتر سەرۆکوەزیرانی ئیسرائیل ڕایگەیاندبوو، حەماس پێشنیازی ئاگربەستی ڕەتکردووەتەوە.